ဖောင်ဒေးရှင်းအကြောင်း

Daw Khin Kyi, inspiration and mother to Aung San Suu Kyi

ဖောင်ဒေးရှင်း အကြောင်း

ဒေါ်ခင်ကြည်ဖောင်ဒေးရှင်းသည် မြန်မာပြည်သူလူထုထံမှ ထွက်ပေါ်လာခြင်းဖြစ်ပါသည်။ ဒေါ်အောင်ဆန်းစုကြည်မှ ၂၀၁၀ တွင် ၄င်း၏ မိခင်ကြီး ဒေါ်ခင်ကြည်အား အောက်မေ့ဖွယ် အမှတ်တရ တည်ထောင်ထားပြီး မြန်မာ နိုင်ငံတွင် တရားဝင်မှတ်ပုံ တင်ထားသည့် ဖောင်ဒေးရှင်း ဖြစ်ပါသည်။ ဘဏ္ဍာရေးမှူးအပါအဝင် အလုပ်အမှုဆောင် အဖွဲ့ဝင်များအားလုံးမှာ မြန်မာနိုင်ငံသူ နိုင်ငံသားများ ဖြစ်ပါသည်။

ပြည်တွင်းနှင့် နိုင်ငံတကာမှ အလှူရှင်များ ကူညီပံ့ပိုးမှု ဖြင့် မြန်မာပြည်၏ ဖွံဖြိုးမှုအနည်းဆုံး ဒေသများတွင် လိုအပ်ချက်များ ဖြည့်တင်းရေးကို အဓိကထား၍ ပြည်သူ များ၏ ကျန်းမာရေး၊ ပညာရေးနှင့် လူနေမှုအဆင့်အတန်း များကို မြှင့်တင်ရန် ရည်ရွယ်ထားသည်။

ဖောင်ဒေးရှင်းသည် တိုင်းရင်းသား၊ လူမျိုး၊ ဘာသာမခွဲ ခြားဘဲ မိမိ၏ရည်မှန်းချက်များ အထမြောက်အောင်မြင် ရန် ကြိုးပမ်းဆောင်ရွက်သည့် အကျိုးအမြတ်မယူသော အလှူအတန်းအဖွဲ့ ဖြစ်သည်။ တစ်နေရာတွင် တိုးတက် သွားပါက အားလုံးအတွက် ပိုမိုကောင်းမွန်သည့်အနာဂတ်ကို တည်ဆောက်နိုင်မည်ဟု ယုံကြည်သည်။ ဖောင်ဒေးရှင်းသည် နိုင်ငံရေးဘက်လိုက်မှု မရှိပါ။ အစိုးရ အေဂျင်စီများ၊ အပြည်ပြည်ဆိုင်ရာ အန်ဂျီအိုများနှင့် အ ခြားရည်ရွယ်ချက်တူညီသော အဖွဲ့အစည်းများနှင့် အတူ တကွအလုပ်လုပ်သည်။ ပြည်တွင်း ပြည်ပ မိတ်ဆွေများမှ လှူဒါန်းငွေနှင့်ပစ္စည်းများ၊ လူတစ်ဦး (သို့) အများပိုင် ငွေ ကြေးနှင့် တရားဥပဒေနှင့်ညီညွတ်သည့် သေတမ်းစာပါ အမွေလွှဲပြောင်းပေးမှုများကို လက်ခံပါသည်။

ဒေါ်ခင်ကြည်ဖောင်ဒေးရှင်းသည် မြန်မာပြည်တွင် အခြေ ချတည်ထောင်ထားပြီး မြန်မာပြည်သူများ၏ လိုအပ်ချက် များကို ဖြည့်ဆည်းပေးနိုင်မည့် အပြည်ပြည်ဆိုင်ရာမှ အသိပညာ အတတ်ပညာများကို ဖိတ်ခေါ်ပါသည်။ ပြည် ထဲရေးရာဝန်ကြီးဌာနတွင် မှတ်ပုံတင်ထားပြီး တစ်နိုင်ငံ လုံးတွင် လုပ်ငန်းလုပ်ဆောင်ခွင့် ရထားသည်။

ဒေါ်ခင်ကြည်ဖောင်ဒေးရှင်း၏ ရုံးလိပ်စာမှာ အမှတ် ၅၄-၅၆ တက္ကသိုလ်ရိပ်သာလမ်း၊ ဗဟန်းမြို့နယ်၊ ရန်ကုန်မြို့ ဖြစ်ပါသည်။ ဖောင်ဒေးရှင်းစီမံခန့်ခွဲမှုကို ဖောင်ဒေးရှင်း အလုပ်အမှုဆောင်အဖွဲ့အစည်းမှ ဆောင်ရွက်လျှက်ရှိပြီး ပြည်တွင်းနှင့်ပြည်ပမှ ပါတနာများထံမှ အကူအညီများကို လက်ခံပါသည်။

Daw Khin Kyi, inspiration and mother to Aung San Suu Kyi

ဖောင်ဒေးရှင်း၏ မျှော်မှန်းချက်

မြန်မာနိုင်ငံကို အခြားနိုင်ငံများ၏ အလယ်တွင် ဂုဏ် သိက္ခာရှိရှိ ရပ်တည်နိုင်သည့် ဒီမိုကရေစီထွန်းကားသော နိုင်ငံတစ်ခုအဖြစ် ပြောင်းလဲရန်ဖြစ်သည်။ မြန်မာနိုင်ငံရှိ ပြည်သူများ ငြိမ်းငြိမ်းချမ်းချမ်းဖြင့် ၄င်းတို့၏ အခွင့်အရေး ဖြစ်သော လွတ်လပ်မှု၏ အရသာကို ခံစားခွင့်ရှိသည်ဟု ယုံကြည်သည်။

မြန်မာပြည်၏ ကျေးလက်လူ့အဖွဲ့အစည်းများ၏ လိုအပ် ချက်များမှာ ကြီးမားကျယ်ပြန့်ပြီး၊ ဤရွာများနှင့် မြို့နယ် များကြုံတွေ့ရသည့် စိန်ခေါ်မှုများမှာ များပြားလှပါသည်။ ရေရှည်တည်တံ့နိုင်စေသော ပြောင်းလဲမှုများ ပြုလုပ် ဆောင်ရွက်ပေးနိုင်သည့် အခွင့်အရေးများမှာ ကြီးမားပြီး စိတ်လှုပ်ရှားစရာဖြစ်သည်။ လမ်းပန်းခက်ခဲသော ဒေသ များတွင် လူမှုစီးပွားစွမ်းရည်များ ဖော်ထုတ်ခြင်း၊ လွတ်လပ်စွာ တွေးခေါ်နိုင်စွမ်းများ ပွင့်လင်းစေခြင်းဖြင့် ဖွံ့ဖြိုးတိုးတက်မှု ဖော်ဆောင်ပေးနိုင်ရန် မျှော်မှန်းချက် ထားရှိသည်။

ဖောင်ဒေးရှင်း၏ လုပ်ငန်းစဉ်

ဖောင်ဒေးရှင်း၏ မျှော်မှန်းချက်ကို အောင်မြင်စွာ အကောင်အထည်ဖော်ရန် လက်တွေ့ကျသည့် နည်းလမ်း များကိုသုံးရန် လိုအပ်သည်။ မြန်မာ့ ကျေးလက် လူ့အဖွဲ့ အစည်းများ တွင် စိုက်ပျိုးမွေးမြူရေးပုံစံအသစ်နှင့် ၄င်းကို ရေရှည် ထိန်းသိမ်းနိုင်မည့် အခြေခံအဆောက်အအုံကို တည် ဆောက်ရန် ရင်းနှီးမြုပ်နှံရမည်။ အားလုံးအတွက် အလုပ်အကိုင် အခွင့်အလမ်းများ ဖန်တီးပေးရမည်။ ဆယ်စုနှစ်ပေါင်း များစွာ လျစ်လျူရှုခြင်းခံရသည့် ပညာ ရေးစနစ်ကို လမ်းညွှန်ချက်အသစ်တစ်ရပ် ပေးရမည်။ ပြည်သူများကို ကောင်းမွန်ပြီး ထိရောက်သော ဆေးဝါး စောင့်ရှောက်မှုပေးရန်၊ ဆေးရုံများနှင့် ဆေးပညာရေး စနစ်ကို ပြန်လည်တည်ဆောက်ရန် စသည့် ပြည်သူလူထု ကို အမှန်တကယ် အကျိုးပြုမည့် ကျန်းမာရေးစနစ် တစ်ရပ်ကို ရရှိရန် ဆောင်ရွက်ရမည်။ ဤသည်တို့မှာ ကြီးမားသော တာဝန်များဖြစ်သည့်အတွက် မိမိတို့ ဖောင်ဒေးရှင်းတစ်ခုတည်း၏ လုပ်ဆောင်ချက်ဖြင့် မစွမ်း ဆောင်နိုင်ပါ။

ဒေါ်ခင်ကြည်ဖောင်ဒေးရှင်းသည် မြန်မာပြည်သူများ၏ စွမ်းဆောင်ရည်များနှင့် မြန်မာပြည်၏ မိတ်ဆွေများထံမှ စိတ်စေတနာကောင်းများနှင့် ကျွမ်းကျင်မှုများကို ပေါင်း စပ်ထားခြင်း ဖြစ်သည်။ မြန်မာနိုင်ငံသည် ပြောင်းလဲနိုင် စွမ်းရှိပြီး ကျွန်ုပ်တို့၏ မျှော်မှန်းချက်များကို ပြည့်ဝစေမည့် အပြောင်းအလဲများ စတင်ဖြစ်လာပြီဟု ယုံကြည်သည်။ ဖြစ်မြောက်နိုင်ပါသည်။ မိမိတို့ အောင်မြင်နိုင်ပါသည်။ သို့သော် လူတိုင်း၏ အကူအညီလိုအပ်ပါသည်။ အားလုံး အတူတကွ ဆောင်ရွက်မှသာ အောင်မြင်မည် ဖြစ်ပါ သည်။

Daw Khin Kyi, inspiration and mother to Aung San Suu Kyi

ဒေါ်ခင်ကြည်

ဖောင်ဒေးရှင်းသည် မြန်မာ့လွတ်လပ်ရေးဖခင် ဗိုလ်ချုပ် အောင်ဆန်း၏ဇနီး၊ ဒေါ်အောင်ဆန်းစုကြည်၏မိခင်၊ မြန်မာနိုင်ငံ၏ ပထမဦးဆုံး အမျိုးသမီးသံအမတ် ဒေါ်ခင် ကြည်၏ အမည်ကို ကိုယ်စားပြု၍ မှည့်ခေါ်ထားခြင်း ဖြစ် သည်။

ဒေါ်ခင်ကြည်ကို ၁၉၁၂ ခုနှစ်၊ ဧပြီလ (၁၆) ရက်နေ့တွင် ဧရာဝတီတိုင်း မြောင်းမြမြို့တွင် မွေးဖွားခဲ့ပါသည်။ ဒေါ်ခင်ကြည်သည် ပညာရေးပြီးဆုံးပြီး ကျောင်းဆရာမ နှင့်သူနာပြုဆရာမအဖြစ် လုပ်ကိုင်ခဲ့ပါသည်။ ရန်ကုန် ဆေးရုံကြီးတွင် အထက်တန်းသူနာပြုအဖြစ် တာဝန် စတင်ထမ်းဆောင်ခဲ့ပြီး ၁၉၄၂ ခုနှစ်တွင် ရန်ကုန်၊ ဂျပန် ဆေးရုံကြီးသို့ ပြောင်းရွှေ့လုပ်ကိုင်ခဲ့ရာမှ ဆေးရုံလာ တက် သူဗိုလ်ချုပ်အောင်ဆန်းနှင့် စတင်ဆုံဆည်းခဲ့ပါ သည်။ ထိုနှစ်စက်တင်ဘာလတွင်ပင် ဗိုလ်ချုပ်နှင့် လက်ထပ်ထိမ်းမြားခဲ့ပါသည်။ ဒေါ်ခင်ကြည်သည် ဗိုလ်ချုပ်အပေါ်တွင် သစ္စာရှိသော ဇနီးမယားတစ်ယောက် ဖြစ်ပြီး သားသမီး (၃) ယောက်အပေါ်တွင် တာဝန် ကျေပွန်သော မိခင်တစ်ယောက်ဖြစ်သည်။

၁၉၄၇ တွင် လုပ်ကြံခံလိုက်ရခြင်းနှင့်အတူ အနာဂတ်တွင် တိုင်းပြည်ကို ဗိုလ်ချုပ် ဦးဆောင်မည်ဟူသော မျှော်လင့် ချက်များလည်း ပျက်လွင့်သွားရသည်။ ချက်ချင်းဆိုသလို ဗိုလ်ချုပ်၏ မဲဆန္ဒနယ်မြေဖြစ်သော လမ်းမတော်မြို့နယ်၊ ရန်ကုန်အတွက် ဒေါ်ခင်ကြည်သည် လွှတ်တော်အမတ် ဖြစ်လာသည်။ ၁၉၄၇ မှ ၁၉၅၂ အထိ ဒေါ်ခင်ကြည်သည် လွှတ်တော်အမတ်အဖြစ် တာဝန်ထမ်းဆောင်ခဲ့သည်။

တာဝန်ထမ်းဆောင်သော ကာလတွင် သူမ၏ ကျန်းမာ ရေးအသိပညာများကို လွတ်လပ်ရေးရကာစဖြစ်သော မြန်မာနိုင်ငံအတွက် အသုံးချခဲ့သည်။ ၁၉၄၇ တွင် မိခင် နှင့်ကလေး စောင့်ရှောက်ရေးအသင်းကို တည်ထောင်ခဲ့ ပြီး ၁၉၅၃ မှ ၁၉၅၈ အထိ မိခင်နှင့်ကလေး သက်သာ ချောင်ချိရေးဘုတ်အဖွဲ့တွင် ညွှန်ကြားရေးမှူးချုပ်အဖြစ် လည်းကောင်း၊ အစိုးရ လူမှုသက်သာချောင်ချိရေး အစီ အစဉ်ကော်မရှင်၊ ဗမာပြည် ကျန်းမာရေးနှင့်စည်ပင်သာ ယာရေးကောင်စီ၊ အမျိုးသမီးကောင်စီနှင့် ဗမာပြည်အ ရေးပေါ်လူနာတင်ကားတပ်ဖွဲတို့တွင် ဥက္ကဌအဖြစ် တာဝန် ထမ်းဆောင်ခဲ့သည်။ တစ်ချိန်တည်းတွင် တိုးတက်ရေး နှင့် ဒီမိုကရေတစ်နည်းလမ်များ ဖြန့်ဝေရေးကောင်စီမှတ ဆင့် ဒီမိုကရေစီတန်ဖိုးများကို မြှင့်တင်ခဲ့သည်။ ၁၉၅၂ မှ စ၍ ၈နှစ်လုံးလုံး ဗမာပြည်သူနာပြုနှင့် သားဖွားဆရာမ များ၏ နာယကအဖြစ် ဆောင်ရွက်ခဲ့သည်။

၁၉၆၀ တွင် သမ္မတဦးနုမှ ဒေါ်ခင်ကြည်ကို အိန္ဒိယနှင့် နီပေါသို့ ဗမာပြည်၏ သံအမတ်အဖြစ်စေလွှတ်ခဲ့ပြီး ထို ရာထူးတွင် ၁၉၆၇ အထိ လုပ်ကိုင်ခဲ့သည်။ တိုင်းပြည် သမိုင်းတွင် သံအမတ်ရာထူးရရှိသည့် တစ်ဦးတည်းသော အမျိုးသမီးဖြစ်ပြီး ကမ္ဘာ့ကျန်းမာရေးအဖွဲ့နှင့် အခြားသော အပြည်ပြည်ဆိုင်ရာ အဖွဲ့အစည်းများအတွက် မြန်မာပြည် ကိုယ်စားပြုတက်ရောက်ခဲ့သည်။

မိမိတတ်ကျွမ်းသည့် ဆေးပညာဖြင့် လူနာများကို ပြုစု ကုသပေးခြင်း၊ လူမှုရေး၊ နိုင်ငံရေးဖွံ့ဖြိုးတိုးတက်ရန် ဆောင်ရွက်ခြင်း၊ လူအများအပေါ် မေတ္တာတရားဖြင့် ကူညီစောင့်ရှောက်ပေးခြင်း၊ တိုင်းပြည်၏ လွတ်လပ်သော အနာဂတ်တွင် ယုံကြည်သက်ဝင်မှုရှိခြင်းနှင့် လွတ်လပ် သော မြန်မာလူမျိုးများ ငြိမ်းချမ်းစွာ ဂုဏ်သိက္ခာရှိစွာ နေထိုင်နိုင်ရန် အခွင့်အရေးစသည့် ဒေါ်ခင်ကြည်ထံမှ မြစ် ဖျားခံသော တန်ဖိုးများကို ဖောင်ဒေးရှင်းမှ ဖော်ထုတ်ရန် ရည်ရွယ်ပါသည်။ ၁၉၈၉ တွင် ဒေါ်အောင်ဆန်းစုကြည် မိန့်ခွန်းပြောကြားခဲ့ပါသည်။

“ကျွန်မ မှတ်မိတတ်သည့် အချိန်မှစပြီး မိခင်ကြီးဟာ အမျိုးသား စည်းလုံးညီညွတ် ရေးအကြောင်းကို ပြောရုံတင်မဟုတ်ဘဲ နေ့စဉ်လုပ် ဆောင်မှုတွေမှာပါ ထည့်သွင်းပြပါတယ်…ကျွန်မတို့ဟာ ကိုယ်ဖို့ပဲမကြည့်ဘဲ တိုင်းရင်းသားမျိုးနွယ်စုတွေအတွက် လည်း စဉ်းစားရမှာဖြစ်ပါတယ်။ ကြင်နာပေးရမယ်။ နား လည်ပေးရမယ်။ ဒီလိုမှမဟုတ်ဖူးဆိုရင် ကျွန်မတို့ တိုင်း ပြည်အတွက် တိုးတက်ရေးဟာ မဖြစ်နိုင်ပါဘူး။”

Daw Khin Kyi, inspiration and mother to Aung San Suu Kyi

ဒေါ်အောင်ဆန်းစုကြည်

ဗိုလ်ချုပ်အောင်ဆန်းနှင့် ဒေါ်ခင်ကြည်တို့၏ သမီးဖြစ် သော ဒေါ်အောင်ဆန်းစုကြည်သည် မိဘနှစ်ပါးနှင့် ပြည် သူတို့၏ မျှော်လင့်ချက်ဖြစ်သော နှစ်ပေါင်းများစွာ မရရှိ သည့် လူ့အခွင့်အရေးနှင့် လူသားတန်ဖိုးများကို မြန်မာ ပြည်သူများ ရရှိပိုင်ဆိုင်နိုင်ပြီး၊ လွတ်လပ်ပြီး ကြွယ်ဝချမ်း သာသည့် မြန်မာပြည်ဖြစ်လာရေး မျှော်လင့်ချက်ကို ဖော် ဆောင်နေသည်။

၁၉၉၁ တွင် ဒေါ်အောင်ဆန်းစုကြည်သည် နိုဘယ်လ် ငြိမ်းချမ်းရေးဆုကို လက်ခံရရှိသည်။ ၂၀၁၂ တွင် ဆုကို ကိုယ်တိုင်လက်ခံရယူပြီးနောက် ပြောကြားခဲ့သည့်မိန့် ခွန်းတွင်

“နေအိမ်အကျယ်ချုပ်ခံရတဲ့ အချိန်တွေမှာ ကျွန်မကိုယ် ကျွန်မ တစ်ကယ့် ကမ္ဘာရဲ့ အစိတ်အပိုင်းတစ်ခု မဟုတ် တော့ဘူးလို့တောင် ခံစားရခဲ့ပါတယ်။ ကျွန်မ ကမ္ဘာဟာ ကျွန်မရဲ့အိမ်ပဲဖြစ်နေတယ်။ အဲဒီလိုပဲ အကျဉ်းကျခံနေရ တဲ့သူများ အတူတကွပေါင်းစည်းနေတဲ့ မလွတ်လပ်သော လူ့အဖွဲ့အစည်းတစ်ခုရဲ့ ကမ္ဘာလည်းသီးခြားရှိနေသလို၊ လွတ်လပ်မှုရရှိနေတဲ့ ကမ္ဘာလည်းရှိတယ်”

သို့သော် ဆုရပြီးတဲ့အခါ သူမရဲ့ယုံကြည်မှုဟာ

“နိုဘယ်ဆုဟာ ဗမာပြည်မှာ ဒီမိုကရေစီနှင့် လူ့အခွင့် အရေးအတွက် ကြိုးစားအားထုတ်နေမှုများကို ကမ္ဘာ တဝှမ်းလုံးကို သိရှိစေတယ်။ ကျွန်မတို့ကို ဘယ်တော့မှ မေ့ထားလိမ့်မှာ မဟုတ်ဘူး။”

ဧပြီ ၂၀၁၂ တွင် ကော့မှူးမြို့နယ်မဲဆန္ဒနယ်အတွက် လွှတ်တော်အမတ်နေရာကို ဒေါ်အောင်ဆန်းစုကြည် ရယူ ခဲ့ပါသည်။ မြန်မာလွှတ်တော်တွင် ပြည်သူ့ကိုယ်စားပြု ပါဝင်နေပြီး သူမ၏ ယုံကြည်ချက်ကို တိုင်းပြည်တွင် လက်တွေ့အသုံးချရင်း အမျိုးသားဒီမိုကရေစီအဖွဲ့ချုပ်ကို ဦးဆောင်နေသည်။